[水逆之老生常談]

以下嘅水逆話題,一年咁多次水逆,每年都不下2000人post㗎喇,但一直都當水逆無到嘅小弟,呢三日實在經歷、目擊、聽聞太多關於水逆下嘅影響。例如唔見嘢、電子失靈、2萬宗嘅溝通問題、誤會、思緒突然錯亂、表達能力下降等等等等。不能盡錄…. 最近兩次水逆嘅經歷,突然有感而發。

真係唔好怯!怯真係輸lol 呢個時候更加應該穩定好自己陣腳!

煮到埋嚟就食啦,係你要面對嘅課題嚟㗎。水逆並唔好怕,反而係一個令自己進步嘅機會呢!你今次唔面對,下次個loop又loop返去嗰度,你都係再仆多次。我係相信個天比得你面對嘅嘢,係你能夠應付嘅嘢嚟。

好多時候我哋好容易將energy對外,緊張件事呀、怪嗰個人衰、怪架車慢、怪個制壞etc……與其怨水逆、怪其他人、講無意義嘅說話,不如比自己放慢腳步,停低審視同回望,將energy放返係自己身上,尤其需要多啲關懷下自己、self caring多啲,例如冥想、早訓、飲多d水(認真㗎)、瑜伽(可以搵我🤪)、多啲me time、self massage、足浴、用花精、提醒自己笑多啲、多尋找生活嘅小確幸。老實講,大佬呀!一年水逆咁多次,其實平時都要keep住做呢d,將佢成為習慣,打好個底,自然水逆再嚟就唔會驚。所以!水逆並唔可怕,反而係提醒我哋多點self care!

講真丫!大家都係呢個時空,水逆大家都面對緊,老實講你煩你亂,人哋都係。_少句,諗下點拆好過😂(_我左膠前,諗下係咪太自我中心🤪)

強烈推薦Netflix嘅Headspace Guide to Meditation,好好嘅冥想入面,精簡、易明!最緊要係夠短。佢好多唔同嘅主題,令你可以係適合情況攞返出嚟睇。當然!持續練習真係好緊要!我自己做法係同一集睇兩次,total八集,咁就半個月,水逆好快就過🤷🏾‍♂️如果睇完仲要其他冥想推介再問我。當然,個人坐唔定,瑜伽都係一個唔錯嘅動態冥想嚟㗎🤪🤪(_!又賣廣告)

避唔到幾多次㗎喇,係你就係你~~~

發表評論

Item added to cart.
0 items - 澳門元MOP0.0